اۋماقتىق دەپارتامەنت وكىلى سىبايلاس جەمقورلىققا قارسى ىس-قيمىل تۋرالى ۇلتتىق بايانداماسىندا كورىنىس تاپقان سىبايلاس جەمقورلىققا قارسى ءىس-قيمىل ساياساتىنىڭ دامۋ كەزەڭدەرى, سىبايلاس جەمقورلىققا قارسى ء ىس-قيمىلدا قوعامنىڭ ءرولى, سىبايلاس جەمقورلىققا قارسى ساياسات پەن زاڭنامانى دامىتۋ پەرسپەكتيۆالارى مەن ۇردىستەرى, سىبايلاس جەمقورلىقتىڭ الدىن الۋ جونىندەگى شارالارىنا توقتالىپ ءوتتى.
ۇلتتىق باياندامادا تەرەڭىرەك توقتالعان ماسەلەلەردىڭ ءبىرى – ەلىمىزدىڭ حالىقارالىق رەيتينگتەردەگى كورسەتكىشتەرىنىڭ جاقسارۋى. Transparency International حالىقارالىق ۇيىمىنىڭ سىبايلاس جەمقورلىقتى قابىلداۋ رەيتينگىسى بويىنشا قازاقستان 2017 جىلدىڭ قورىتىندىسى بويىنشا 122 ورىنعا كوتەرىلدى (2016ج. 131 ورىندا بولعان). ياعني, بۇل جاعداي ەلىمىزدىڭ سىبايلاس جەمقورلىق تامىرىن تەرەڭگە جايعان مەملەكەتتەردىڭ قاتارىنان شىعىپ, پروفيلاكتيكالىق شارالاردىڭ وڭ ناتيجە بەرگەندىگىنىڭ دالەلى.
سونىمەن بىرگە, سپيكەر اگەنتتىكتىڭ باستاماسىمەن ەلىمىزدىڭ تاريحىندا تۇڭعىش رەت سىبايلاس جەمقورلىققا قارسى ءىس-قيمىل باعىتىندا جوبالىق مەنەدجمەنتتىڭ قولدانىسقا ەنگىزىلگەندىگىن باسا ايتتى. اتاپ ايتقاندا, «استانا – ادالدىق الاڭى» اتتى پيلوتتىق جوبا شەڭبەرىندە استانا قالاسىندا جوبالىق كەڭسە قۇرىلىپ, ءتۇرلى سالاداعى ساراپشىلاردىڭ قاتىسۋىمەن سىبايلاس جەمقورلىققا قارسى ءىس-قيمىل سالاسىنداعى ماسەلەلەر جان-جاقتى تالدانىپ, شەشىمىن تاپپاق. پيلوتتىق جوبا ەلوردامىزدا جۇرگىزىلىپ بولعان سوڭ, ەلىمىزدىڭ باسقا دا اۋماقتارىنا ەنگىزىلمەك.
ءوز كەزەگىندە وبلىستىق ارنايى مونيتورينگ توبىنىڭ وكىلدەرى سىبايلاس جەمقورلىق سياقتى قوعام ىندەتىمەن كۇرەسۋگە بۇكىل قوعام بولىپ اتسالىسۋ قاجەتتىگىن جەتكىزىپ, ارنايى مونيتورينگ توبىنىڭ الداعى ۋاقىتتاعى جۇمىس جوسپارلارىمەن تانىستىردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
